टोकियो। मंगोलियन हर्टका गायक राजु लामा यतिखेर जापानमा छन ।लामाले आइतबार टोकियोमा तमुधीं जापानको आयोजनामा भएको एक भब्य रोधी साँझ कार्यक्रममा आफ्ना आकर्षक प्रस्तुति दिदै नेपाली दर्शकहरुलाई भरपुर मनोरन्जन प्रदान गराएका थिए ।लामाका प्रत्येक प्रस्तुतिमा खचाखच भरिएको हलमा दर्शकहरु नाचेर,संगसंगै गाएर र सुनेर रमाइरहेका थिए ।
उक्त कार्यक्रमका एक सहभागीले भने,’कोरोना भाइरस फैलिएपछि जापानमा यो स्तरको सांगीतिक कार्यक्रम भएको थिएन,जेहोस धेरैपछि आज सागीतिक रमाइलो भयो।’
लामाको टोकियोपछि जापानको ठुलो शहर नागोया, ओकिनावा र ओसाकामा पनि कन्सर्टहरु आयोजना गरिएका छन ।
मंगलवार भने लामाले जापानको सबैभन्दा अग्लो हिमाल माउन्ट फुजीमा चढेर नेपालको राष्ट्रिय झण्डा फहराएका छन ।माउन्ट फुजी चढिसकेपछि लामाले चढ्न गार्हो भएपनि त्यसको आनन्द भने शब्दमा बयान गर्न नसकिने बताएका छन ।चन्द्र र सुर्य अंकित नेपालको झण्डा जापानको सबैभन्दा अग्लो हिमालमा फहराउन पाउदा गर्वको महशुस गरेको पनि लामाले बताए ।
माउन्ट फुजी ३ हजार ७ सय ७७ मिटर अग्लो हिमाल हो । उसो त लामाले विश्वकै सर्वोच्च शिखर सगरमाथाको सफल आरोहण पनि गरिसकेका छन ।
