पूर्ण चलाउने
टोकियो : राष्ट्रिय प्रजातन्त्र पार्टी (राप्रपा)का संसदीय दलका नेता ज्ञानेन्द्र शाही जापान आउने भएका छन ।
कर्णाली प्रदेश समाज जापानले यहि साताको बिहीबार टोकियोमा आयोजना गरेको एक अन्तर्कृया कार्यक्रमलाई सम्बोधन गर्न शाही जापान आउने भएका हुन ।
बिहीबार टोकियोको इकेबुकुरो स्थित तोसिमा सिभिक सेन्टरमा दिउसो १ बजे देखि ५ बजे सम्म कर्णाली प्रदेश समाज जापानले `कर्णालीको आवाज बिश्व भरका नेपाली सँग` बिषयमा बिशेष अन्तर्कृया कार्यक्रमको आयोजना गरेको छ ।
उक्त कार्यक्रममा नेता शाहीले नेपालको वर्तमान अवस्था साथै विदेशमा रहेका नेपालीको देश निर्माणमा भूमिकाका बिषयमा पनि जापानवासी नेपाली सँग बृहत अन्तर्कृया गर्ने कर्णाली प्रदेश समाज जापानका अध्यक्ष बिरेन्द्र शाहीले बताए ।
कार्यक्रममा सहभागि भएर आफ्ना बिचार राख्न र सुन्नका लागि पनि कर्णाली प्रदेश समाज जापानले जापानका सबै संघ संस्था संगठनका साथै सबै जापानवासी नेपाली लाई हार्दिक अनुरोध गरेको छ ।
आयोजकका अनुसार जापानमा नेता शाही अन्य विभिन्न कार्यक्रममा पनि सरिक हुने कार्यक्रम तय भएको छ ।उहाको यो नितान्त निजी भ्रमण रहेको पनि कर्णाली प्रदेश समाज जापानले जनाएको छ । भ्रमण एकसाता रहनेछ ।
