नेपालमा कम्युनिष्ट पार्टीका नेताहरु मिल्दा कुन तहको अवस्थामा पुग्छन् र फुट्दा वा विचार नमिल्दा कस्तो स्तरमा झर्छन् भन्ने पटकपटक देखिएकै विषय हो ।
सबैभन्दा बढी मिल्दा एक आपसको गुणगान गाउने र नमिल्दा ‘भित्तैमा पुर्याउने’ शैली नेकपा एमालेका अध्यक्ष केपी शर्मा ओली रमाओवादी केन्द्रका अध्यक्ष पुष्पकमल दाहालमा देखिन्छ ।
नेकपा एकताका बेला उनीहरुले गरेको सम्बोधन, विवादका बेला कार्यकर्तालाई गरेको सम्बोधन र पार्टी विभाजनपछि एकले अर्कोलाईगरेको गाली नै यसको ज्वलन्त उदाहरणका रुपमा लिन सकिन्छ ।
तर केही महिनाअघिसम्म एउटै पार्टी र एउटै गुटमासमेत रहेका दुई नेताबीच अहिले ‘नारायणहिटी प्रकरण’ले उदाङ्गो पारेको छ ।
ती नेताहरु हुन् पर्यटनमन्त्री प्रेम आले र पूर्व पर्यटनमन्त्री योगेश भट्टराई ।
उनीहरु केही समयअघि नेकपा एमाले माधवकुमार नेपाल समूहमा थिए । केपी शर्मा ओलीले संसद् विघटन गरेपछि मन्त्री भट्टराईलेराजीनामा दिएका थिए ।
तर पछि पार्टी विभाजनको अवस्थामा पुगेपछि भट्टराईले ओली रोजे भने आलेले नेपाल ।
अहिले नारायणहिटी संग्राहलयमा क्यान्टिन तथा क्याफ्टेरिया सञ्चालनका लागि भाडामा दिँदा तत्कालीन मन्त्री भट्टराईले ‘कानुनमिचेको’ आरोपपछि यो तहको विवाद छताछुल्ल भएको हो ।
मन्त्री आलेलाई भट्टराईले लण्डनबाट आउँदा १० बोतल रक्सी, रोलेक्स घडी, आइफोलनलगायतका सामग्री लिएर भीआईपी कक्षबाटबाहिरिएको आरोप लगाउँदै त्यसदिनको सीसीटीभी फुटेज सार्वजनिक गर्न माग गरेपछि आलेले पनि तत्कालीन मन्त्री भट्टराईकोकार्यकालमा भएको गतिविधिको छानबिनका लागि समिति नै बनाएका छन् । त्यतिमात्रै होइन योगेश भट्टराईले माओवादी द्वन्द्वका बेलाहतियार सप्लाइ गर्ने गरेको आरोप लगाए ।
यी दुवैले प्राइम टाइम्स टेलिभिजनमा पत्रकार ऋषि धमलासँगको कुराकानीमा यस्तो आरोप लगाएका हुन् ।
“आफू १० बोतल रक्सी बोकेर भीआईपीबाट आउने, रोलेक्स घडी कतिवटा बोकेर आउने, आइफोन कतिवटा बोकेर आउने भीआईपीबाटआउने अर्कोले तीन बोतल रक्सी बोकेर आयो भनेर बबन्डर मच्चाउने ?,” भट्टराईले भनेका छन्, “म इमिग्रेसनलाई चुनौतीका साथ भन्छुजुन दिन पर्यटनमन्त्री लण्डनबाट फर्किएर आउनुभयो त्यो दिनको सीसीटीभी फुटेज सार्वजनिक गर्नुपर्छ ।”
उनले दोहा विमानस्थलमा मन्त्री आलेले किनेका सामग्री हेर्नका लागि उनको बोर्डिङ पास चेक गर्नुपर्ने माग गरेका छन् ।
“दोहा विमानस्थलमा के के किन्नुभयो । बोर्डिङ पास चेक गरौँ,” उनले मन्त्री ओलेलाई भनेका छन्, “उनी आफ्नो ठेगानमा बसुन् ठाउँमाबसुन् । आफू के हो कुन जमिन हो । कुन धरातलबाट आएको राम्रोसँग बुझ्नु । म काठ तस्कर गरेर आएको हो राजनीतिमा ? नेपालकोहरियो वन भारततिर तस्करी गर्दैगर्दा म राजनीतिमा थिएँ । म सुनको तस्करी गरेर आएको हुँ ?”
भट्टराईले उक्त कार्यक्रममा पत्रकारले पनि आफ्नो चरित्रहत्या हुनेगरी समाचार सम्प्रेषण गरेको भन्दै आक्रोश व्यक्त गरेका थिए ।
भट्टराईको यस्तो अभिव्यक्ति आएपछि मन्त्री आलेले पनि सोही कार्यक्रममार्फत ‘भण्डाफोर’ गरेका छन् ।
भट्टराई मन्त्री हुँदा नेपाल एयरलाइन्सलाई भन्दा बढी हिमालय एयरलाइन्सलाई काम दिएको, निजीकरणका नाममा नेपालएयरलाइन्सको जग्गालाई सस्तो मूल्यांकन गरिएको, कोभिडको बेलामा नेपाल एयरलाइन्सबाट ओम्नीको सामग्री बोकेको तरअहिलेसम्म भुक्तानी नगरिएको, माओवादी द्वन्द्वका बेला हतियारको सप्लाइ गरेको, मन्त्री नहुँदै व्यापारीसँग एक करोड रुपैयाँ मागगरेकोलगायतका आरोप लगाएका छन् ।
उनले यि सबै विषय अनुसन्धानमा रहेको हुँदा दोषी पाइए कारवाहीका लागि सिफारिस गरिने बताए ।
“कोरोनाको बेला जनतालाई ढाड सेक्ने काम भएको छ । उद्धारका नाममा कमिसनको लागि चारगुणा भाडा उठाइएको छ,” मन्त्री आलेलेभनेका छन्, “योगेश भट्टराईलाई कारवाही हुन्छ । ओम्नीलाई औषधि ल्याउन चार्टड फ्लाइट भयो । प्राइभेट कम्पनीले कम्तिमा दुईदिनअघि पैसा जम्मा गरेपछि चार्टर फ्लाइट हुन्छ । मन्त्री आफैँले पठाउनू भनेपछि पठाइएको रहेछ । २१ महिना पूरा भयो । अहिलेसम्मएयरलाइन्सको पैसा आएको छैन । एक करोड ७४ लाखरुपैयाँ ओम्नीले तिर्न बाँकी नै छ । ओम्नीले अहिलेसम्म पैसा तिरेको छैन ।निगमले जान मिल्दैन भन्दा पनि मन्त्रीले मैले जिम्मा लिन्छु भनेर पठाएको पाइयो ।”
उनले नेपाल एयरलाइन्सलाई भन्दा बढी व्यापार हिमालय एयरलाइन्सलाई दिएको पनि दाबी गरेका छन् ।
“हिमालय एयरलाइन्सले १७७ वटा चार्टर फ्लाइट गर्दा नेपाल एयरलाइन्सले १४० वटामात्रै गरेको छ,” मन्त्री आलेले भने, “किन यस्तोगरियो छानबिन हुँदैछ । उहाँले चुनावको बेलामा पर्यटनमन्त्री हुन्छु एक करोड ल्याऊ भनेको मैले सुनेको छु ।”
आलेले भट्टराईलाई बतास समूहमा सेयर रहेको जसरी बचाउमा उत्रिएको, द्वन्द्वका बेला हतियारसहित खरखजनाको कारोबार गरेरकाठमाडौंमा घर किनेको आरोप पनि लगाएका छन् ।
“उहाँ बतास अर्गनाइजेसनको सेयर होल्डर हो कि जस्तो लाग्यो,” आलेले भनेका छन्, “जुन बेलामा द्वन्द्व चर्किएको थियो । माओवादीसाथीहरु भूमिगत हुनुहुन्थ्यो । सेना र माओवादीको बीचमा वार भइरहेको थियो । त्यो बेलामा खरखजानासहित उहाँले दुई नम्बरीगर्नुहुन्थ्यो । उहाँ त ताप्लेजुङबाट लुरुलुरु आएको हो । त्यही खरखजना बेचेर काठमाडौंमा घर बनाउनुभएको छ । हतियार रखरखजानाको तस्करी गर्नुहुन्थ्यो । माधव नेपाल प्रधानमन्त्री हुँदा उहाँ मातहतको मन्त्रीलाई ‘तपाईंले काम गर्न सक्नुभएन’ भन्दा उहाँलेचाहिँ ‘तपाईं त हतियारको तस्करी गर्ने मान्छे होइन भन्दा उहाँ चुप लाग्नुभयो ।”
मन्त्री आलेले अहिले बतासको बचाउ गर्दै व्यापारीले दुई पैसा फाइदा हुने ठाउँमा लगानी गर्न खोज्ने तर राजनीतिक नेतृत्वले नै त्यसलाईरोक्नुपर्ने बताए ।
जिम्मेवार पदमा पुगिसकेका र रहेका व्यक्तिहरुले लगाएको यस्तो आरोपमाथि राज्यले छानबिन गर्नुपर्छ कि पर्दैन भन्ने प्रश्नमा एमनेष्टीइन्टरनेसनलका अध्यक्षसमेत रहेका पूर्वसचिव खेमराज रेग्मी भन्छन्, “यो छानबिनको विषय हो । दुवै जनाले बढी बोलेको देखियो ।”
उनले पर्यटन मन्त्रालयले अख्तियारलाई लेखि पठाएको हुँदा बाँकी आरोपहरु पनि छानबिनको दायरामा ल्याउनुपर्ने बताए ।
“केही कुरा वर्तमान मन्त्रीले पनि गहिराइमा पुगेर भनेजस्तो लागेन । उहाँका पनि केही कुरा नमिल्दा छन् । योगेश भट्टराईको प्रस्तुती पनिठिक लागेन । तस्कर हो भन्ने कुरा भन्नुभयो । प्रेम आलेले पहिले भनेजस्तो लाग्दैन ।”
उनले अहिले आएर योगेश भट्टराईले मेरो संलग्नता नै थिएन भन्नु गलत भएको बताए ।
“यो सामान्य ठाउँको जग्गा भाडामा लगाइएको होइन,” उनले बाह्रखरीसँग भने, “मन्त्रीलाई पहिले उहाँले अनावश्यक गाली गर्नुभयो ।आरोप शोभायमान देखिएन । तल्लोस्तरको गाली गलौज भयो । हुन त यसले छानबिनमा पनि सहयोग नै पु¥याउँछ ।”
मन्त्री आले लण्डनबाट आउँदाको दिनको सीसीटीभी पनि सार्वजनिक होला ?
त्रिभुवन विमानस्थल स्रोतका अनुसार विमानस्थल क्षेत्रमा ३७२ वटा सीसीटीभी छन् ।
