काठमाडौँ । फ्रान्सका राष्ट्रपति इम्यानुअल म्याक्रोँले युक्रेन ईयूमा सामेल हुन एक दशकभन्दा लामो समय लाग्न सक्ने बताएका छन्।
सोमबार युरोपेली आयोग (ईयू)को संसदमा सम्बोधन गर्दै म्याक्रोँले यस्तो बताएका हुन्। म्याक्रोँले यसको सट्टामा युक्रेन तत्कालका लागि ईयूमा सामेल हुने प्रक्रिया चल्दै गर्दा समानान्तर युरोपेली समुदायमा सामेल हुन सक्ने बताएका छन्।
समानान्तर सम युरोपेली समुदायमा आबद्ध भएपछि युक्रेन अर्को तरिकाले ईयूको सुरक्षा संरचनामा समावेश हुन सक्ने म्याक्रोँको भनाइ छ। रुसले युक्रेनको पूर्वी क्षेत्रमा रहेको डोनाबास क्षेत्रमा आक्रमण गरिरहेको अवस्थामा म्याक्रोँको यस्तो भनाइ आएको हो।
यद्यपि रुसले पछिल्लो समय उल्लेख्य मात्रामा युक्रेनको भूमिमा कब्जा जमाउन नसकेको अमेरिकी अधिकारीहरुले बताएका छन्। लुहान्स्कका युक्रेनी नेताले भने ठूलो आक्रमण भइरहेको उल्लेख गरेका छन्।
