अछामको तुर्माखाँद गाउँपालिकामा नेकपा (एमाले) विजयी भएको छ । मंगलबार बिहान सार्वजनिक अन्तिम मतपरिणामअनुसार एमालेका डम्बर बिसी ३,५२३ मत ल्याएर विजयी भएका हुन् ।
उनका निकटतम प्रतिद्वन्द्वी नेपाली कांग्रेसका कर्णबहादुर बुढाले ३,४९३ मत ल्याए । त्यो बिसीभन्दा ३० मत मात्र कम हो । माओवादीकेन्द्रका मनबहादुर बयकले ३,०९१ मत ल्याए ।
उपाध्यक्षमा पनि एमालेले जितेको छ । एमालेकी विमला शाहीले ३,५०१ मत ल्याएर विजयी भइन् । दोस्रो बनेकी कांग्रेसकी अनुजासिजापती विष्टले ३,४५२ मत ल्याइन् । माओवादी केन्द्रकी पवित्रा उपाध्यायले ३१५५ मत ल्याइन्
गाउँपालिकाका बहुमत वडामा भने कांग्रेस विजयी भएको छ । आठ वडा रहेको तुर्माखाँदमा रहफ, भुलू, नाडा, रानीवन र तोसीमाकांग्रेसले जित्यो । एमाले भैरवस्थान र धमालीमा विजयी बन्दा माओवादी केन्द्रले भने वडा नम्बर–४ मा मात्र जित्न सक्यो ।
जम्मा १५,५११ मतदाता रहेको तुर्माखाँदमा १०,७२९ मत खसेको थियो ।
०७४ को स्थानीय तहको निर्वाचनमा तुर्माखाँदमा कांग्रेसका पुष्पराज शर्मा विजयी भएका थिए । त्यति बेला उनले ३,६९१ मत ल्याएकाथिए । उनले एमालेका पदम बुढालाई ६५४ मतान्तरले हराएका थिए । उपाध्यक्षमा कांग्रेसकी अमृता बुढा विजयी भएकी थिइन् ।
