टोकियो– नेपाली कला संस्कृतिलाई जापानीहरु माझ चिनाउने उद्धेश्यले टोकियोमा १२ औ नेपाल फेस्टिवलको आयोजना गरिएको छ ।
टोकियोको नाकानो स्थित ‘सिकीनो मोरी’पार्कमा जुलाई ३० र ३१ तारिख चल्ने उक्त फेस्टिवल गैरआवासीय नेपाली संघ जापानलेआयोजना गरेको हो।फेस्टिवल बिहान १० बजेदेखि साझ ७ बजे सम्म चल्नेछ ।
फेस्टिवलमा नेपाली कला संस्कृति झल्किने बिभिन्न गीत,संगीत,नृत्य तथा झाँकी प्रस्तुत गरिनेछ ।नेपालका धार्मिक,सांस्कृतिक तथाप्राकृतिक पर्यटकिय स्थलका साथै नेपाली भेषभूषा तथा नेपाली खानाको प्रचार पनि जापानीहरु माझ यस फेस्टिवलमा गरिनेछ ।
उक्त फेस्टिवलमा नेपाली खानाका स्टलहरुका साथै अरु बिभिन्न सेवाप्रदायक कम्पनीहरुको स्टलहरु रहनेछन ।
फेस्टिवलको सबै तयारी पुरा भईसकेको आयोजक संस्था गैरआवासीय नेपाली संघ जापानका अध्यक्ष शिव प्रसाद पौडेलले जानकारीदिनुभयो ।
‘बिगतका फेस्टिवलमा भएका कमीकमजोरीलाई ध्यान दिदै यस पटक थप ब्यवस्थित तथा आकर्षक बनाउछौ।’ फेस्टिवल प्रचार प्रसारसंयोजक तथा एनआरएनए जापानका उपाध्यक्ष रामकृष्ण श्रेष्ठले भन्नुभयो ।
स्वयंसेवक संयोजक तथा एनआरएनए जापानका यूवा संयोजक राकेस रुम्बाले फेस्टिवललाई ब्यवस्थित गर्न पर्याप्त स्वयंसेवककोब्यवस्था गरिएको जानकारी दिनुभयो ।
फेस्टिवलमा बेचिने खानाको गुणस्तरको लागि एनआरएनए जापानकी महिला संयोजक अन्जु भण्डारीको संयोजनमा एक बिभागबनाइएको छ जसले गुणस्तरहिन खाना बिक्री बितरणमा आवश्यक कारबाही गर्नेछ ।
नेपाल फेस्टिवलको आयोजना भईरहदा पछिल्लो समय टोकियोमा कोरोना संक्रमण भने बढिरहेको छ ।संक्रमणकाबीच नेपालफेस्टिवल त्यति प्रभावकारी नहुने टिका टिप्पणी पनि जापानका नेपालीहरुले सामाजिक संजालमा गरिरहेको पाईन्छ ।
‘बढ्दो कोरोना संक्रमणकाबीच नेपाल फेस्टिवल आयोजना गरिनु सकारात्मक पक्ष होइन समयमै सोचौ’,जापानमा संचारकर्मीका रुपमाचिनिने तथा पत्रकार महासंघ जापानका सचिब शान्त पहरीले आफ्नो फेसबुक स्टेटसमा लेखेका छन ।
जापानमा संक्रमण बढेपनि जापान सरकारले तत्काल कुनै नयाँ मापदण्ड भने लागु गरेको छैन ।
