जापानको गुन्मा प्रिफेक्चरले नेपालको फोहोर व्यवस्थापन तथा प्राकृतिक विपत्ती व्यवस्थापनमा आवश्यकसहयोग गर्ने भएको छ ।
जापानका लागि नेपाली राजदूत डा:दुर्गा बहादुर सुवेदी र गुन्मा प्रिफेक्चरका गभर्नर यामामोतो इचिता तथा गुन्मा प्रिफेक्चरको ओइजुमीनगरका मेयर मुरायामा तोसीआकी बीच भेटवार्ताको क्रममा गभर्नर तथा मेयरले सो ईच्छा व्यक्त गरेका हुन् ।
भेटघाटका क्रममा राजदूत सुवेदीले जापानको फोहोर ब्यास्थापन बाट प्रभावित भएको बताउदै जापानी प्रविधिको प्रयोग गरी नेपालकोफोहोर ब्यवस्थापनका लागि आवश्यक सहयोग गर्न अनुरोध गर्नुभयो।
भेटघाटका क्रममा गभर्नर यामामोतो इचिता र मेयर मुरायामा टोसीआकीले राजदूत सुवेदीको अनुरोधलाई स्वीकार्दै सहयोगको इच्छाव्यक्त गरेका हुन ।
नेपाल जापान कुटनीतिक समबन्धका विविध विषयमा पनि छलफल भएको उक्त कार्यक्रम नेपाली साझा समाज जापानको पहलमाभएको हो। नेपाली साझा समाज जापानका तर्फबाट अध्यक्ष बुद्धि शेरचन र महासचिव निरज गुरुङको उपस्थिति रहेको थियो
