टोकियो ।अन्तर्राष्ट्रिय नेपाली समाज जापानको अध्यक्षमा प्रकाश केसी र महासचिवमा मोती गुरुङ चयन भएका छन् ।
अन्तर्राष्ट्रिय नेपाली समाज जापान डा:बाबुराम भट्टराई नेतृत्वको नेपाल समाजवादी पार्टीको प्रवास संगठन हो ।
आइतबार टोकियोमा सम्पन्न बैठकले संगठनको पूर्ण रुपमा पुनर्गठन गर्ने निर्णय गरेको हो।बैठकले प्रकाश केसीलाई अध्यक्ष चयनगरेको छ भने महासचिबमा मोती गुरुङलाई चयन गरेको छ। त्यसैगरी बैठकले पूर्व अध्यक्षहरुलाई संरक्षक चयन गर्दै सल्लाहकार समितिपनि निर्माण गरेको छ । तत्काललाई ३५ सदस्यिय केन्द्रीय समितिको गठन गरेको संगठनले जनाएको छ।
आइतवारको पुनर्गठन बैठकमा,केन्द्रीय सदस्य सरिता ढकाल, संघिय परिषद सदस्य पदमसिंह ठगुन्ना, प्रवास प्रदेश समितिकोकोषाध्यक्ष धन बहादुर बि.क लगायतका संगठनका जिम्मेवार व्यक्तिहरुको उपस्थिति रहेको थियो ।
