कावासाकी/नेपाली हिन्दू नारीहरूको महान चाड हरितालिका तीजको अवसरमा नवलपुर समाज–जापानले “तीज धमाका” विशेषसांगीतिक कार्यक्रम सम्पन्न गरेको छ ।
नेपालका चर्चित तथा जापानमा रहेर सांगीतिक कर्म गर्दै आएका गायक–गायिकाको साथमा आयोजना गरिएको कार्यक्रम अपेक्षा गरिएभन्दा बढी उपस्थितिले भव्य अनि सफल भएको कार्यक्रम संयोजक प्रेमप्रसाद कँडेलले बताए । सो कार्यक्रममा नेपाली लोकसंगीतकापूराना अनि लोकप्रिय गायक–गायिका बद्री पंगेनी र सम्झना भण्डारीका साथमा जापानमा रहेका संगीतकर्मीहरू अमित सापकोटा, निशाक्षेत्री, खेमराज पौडेल, शान्ता जि.सी., शिवा के.सी.लगायतले आफ्नो धमाकेदार प्रस्तुति दिएका थिए ।
नवलपुर समाज–जापानका अध्यक्ष कृष्ण खरेलको अध्यक्षतामा सम्पन्न सो कार्यक्रममा ग़ैर आवासीय नेपाली संघ (एनआरएनए) काअध्यक्ष शिवप्रसाद पौडेल प्रमुख अतिथि रहेका थिए । लक्ष्मी सापकोटाले स्वागत मन्तव्य ब्यक्त गरेको सो कार्यक्रमको सहजीकरणसंस्थाका महासचिव सुरेश सापकोटाले गरेका थिए भने
साँस्कृतिक कार्यक्रमको सहजीकरण गायक तथा संस्थाका कोषाध्यक्ष खेमराज पौडेलले गरेका थिए ।
