लन्डन । बेलायतको नयाँ प्रधानमन्त्री लिज ट्रस बन्नुहुने भएको छ । बेलायतको सत्तारूढ दल कन्जरवेटिभ पार्टीको नेतामा सोमबार जितहासिल गरेसँगै उहाँ बेलायतको प्रधानमन्त्री बन्नुहुने भएको हो । ट्रस दलको नेता चुनिएपछि पार्टी नेतृत्वका लागि लामो समय चलेकोहोडबाजी सकिएको छ । दलको नेतृत्वका लागि पूर्व–अर्थमन्त्री रिशी सुनाक र विदेशमन्त्री रहनुभएकी ट्रसबीच भएको तीव्र प्रतिस्पर्धामाट्रसले बाजी मार्नुभएको हो । नेता छनोट गर्ने पार्टीको १९२२ कमिटीका अध्यक्ष सर ग्राहम ब्राडीले सोमबार दिउँसो ट्रस नेता चुनिएकोघोषणा गर्नुभएको थियो । ट्रसले ८१ हजार ३२६ मत प्राप्त गर्नुभयो भने सुनाकले ६० हजार ३९९ मत प्राप्त गर्नुभएको थियो ।
वर्तमान प्रधानमन्त्री बोरिस जोन्सनले गत जुलाईमा पदबाट राजीनामाको घोषणा गर्नुभएको थियो । सन् २०१९ को आम निर्वाचनमाबहुमत ल्याएर प्रधानमन्त्री बन्नुभएका जोन्सन जुलाई मध्यतिर कोभिड नियम उल्लंघनलगायत विभिन्न विवादमा तानिनुभएको थियो ।उहाँको कार्यशैलीविरुद्ध क्याबिनेट मन्त्रीहरूले विद्रोह गरेपछि उहाँ राजीनामा घोषणा गर्न बाध्य हुनुभएको थियो ।
जोन्सनले मंगलबार टेन डाउनिङ स्ट्रिटबाट बिदा लिने हुनुभएको छ । उहाँ मंगलबार स्कटल्याण्ड जाने र महारानी एलिजाबेथसँग भेट गरीऔपचारिक रूपमा राजीनामा बुझाउने बेलायती समाचार एजेन्सी रोयटर्सले जनाएको छ । ट्रसले पनि स्कटल्याण्डमै महारानीसँग भेटगरेर सरकार गठनको अनुमति लिने बताइएको छ । ९६ वर्षीया महारानी एलिजाबेथ अहिले समरमा बालमोरल क्यासल स्कटल्याण्डमारहेकाले नयाँ प्रधानमन्त्रीले बकिङहम दरबारको सट्टा त्यता गएर नियुक्ति लिने जनाइएको छ ।
ट्रसले अक्सफोर्ड विश्वविद्यालयमा दर्शन, राजनीति र अर्थशास्त्र अध्ययन गरेर विद्यार्थी राजनीतिबाट राजनीति यात्रा सुरु गर्नुभएकोथियो । बेलायतको इतिहासमा ट्रस तेस्रो महिला प्रधानमन्त्री हुनुहुने भएको छ । उहाँको पूरा नाम मेरी एलिजाबेथ ट्रस हो । उहाँकाश्रीमान ह्यु ओ लियरी लेखापाल हुनुहुन्छ भने उहाँहरूका दुई छोरी छन् ।
