ह्यामिल्टन — ३६ वर्षपछि विश्वकप खेल्ने अभियानमा एक कदम अगाडि बढ्दा क्यानडाले मध्य र उत्तर अमेरिका तथा क्यारेबियनक्षेत्रको छनोटमा अमेरिकालाई २–० गोलले हराएको छ ।
ह्यामिल्टनको फ्रिगिड टिम हार्टन्स फिल्डमा साइल लारिनको सातौं मिनेट र साम अडेकुग्बेको इन्ज्युरी समयमा गरेको गोलबाट घरेलुटोली क्यानडाले ३ अंक सुरक्षित गर्यो । यो जितले क्यानडा छनोट प्रतियोगिताको शीर्षस्थानमा ४ अंकको अग्रता मिलेको छ ।
अपराजित क्यानडाको १० खेलबाट २२ अंक भएको छ । छनोट प्रतियोगितामा टोलीले ४ खेल खेल्न बाँकी छ । दोस्रो स्थानकोअमेरिकासँग १८ अंक छ । यो क्षेत्रको छनोट प्रतियोगितामा क्यानडा एक ‘सरप्राइज प्याकेज‘का रूपमा उदाएको छ । सन् १९८६ मामेक्सिकोमा आयोजित विश्वकपयता क्यानडा छनोटका लागि प्रयासरत छ ।
‘हामी अब फुटबलको देशका रूपमा परिवर्तन हुँदै छौं,’ क्यानडाका उत्साही इंग्लिस प्रशिक्षक जोन हर्डम्यानले भने, ‘अमेरिका धेरै राम्रोटिम हो । उनीहरूले आफ्नो क्षमता प्रदर्शन गरे । तर, हामीले उनीहरूले भन्दा उच्च भावना प्रदर्शन गर्यौं । मैले मेरा केटाहरूलाई यहीभनेको थिएँ । उनीहरूले आफूलाई प्रमाणित गरिदिए ।’
गोलकर्ता लारिनले पनि आफ्नो टोली विश्वकप छनोटको नजिक रहेको बताए । ‘हामी लगभग विश्वकपमा पुग्यौं,’ उनले भने, ‘निश्चितभइनसकेको हुनाले हामी आराममा छैनौं । अझै अगाडि बढ्नुपर्नेछ ।’
कोस्टारिकासँग गोलरहित बराबरी खेलेपछि मेक्सिकोले पनि १८ अंक बनाएको छ । यो क्षेत्रमा ८ टोलीबीच छनोट प्रतियोगिता भइरहेकोछ । डबल राउन्ड रोबिन लिग प्रणालीअनुसार शीर्ष तीन टोली सिधै कतार विश्वकपमा छानिने छन् भने चौथो स्थानमा रहने टोलीलेअन्तरमहादेशीय प्लेअफ खेल्नेछ ।
हारले अमेरिकाका प्रशिक्षक ग्रेग बेरहल्टरमाथिको दबाब बढाएको छ । अघिल्लो विश्वकपमा छनोट हुन असफल अमेरिकाले यहीबुधबार घरेलु मैदानमा होन्डुरससँग खेल्दै छ । त्यसपछि मार्च महिनामा मेक्सिको, कोस्टारिका र पानामासँग अवे खेल खेल्नुपर्नेछ ।
‘अवे मैदानमा यस्तो प्रभावशाली प्रदर्शनका बाबजुत नतिजा अरूलाई सुम्पिन निकै मुस्किल हुन्छ,’ प्रशिक्षक ग्रेगले भने, ‘प्रदर्शनबाटसन्तुष्ट छु तर नतिजाले चित्त दुखाएको छ ।’ अर्को खेलमा चार वर्षअघि विश्वकप खेलेको पानामाले जमैकामाथि ३–२ को जितनिकालेको छ । यसपल्ट छनोट प्रतियोगितामा पानामा १७ अंकसहित चौथो स्थानमा छ
