वासिङटन । एलन मस्कको निजी विमान ट्र्याक गर्ने एउटा १९ वर्षीय युवाको ट्वीटर अकाउन्ट यतिबेला अधिक चर्चामा आइरहेको छ ।यसअघि मस्कले उनलाई पाँच हजार डलर अफर गर्दै सो अकाउन्ट डिलिट गर्न भनेका थिए । तर ती युवाले उनको प्रस्ताव अस्वीकार गरे। 
यस्तोमा कार भाडामा दिने कम्पनी, अटोनोमीका प्रमुख स्कट पेन्टरले उनलाई टेस्ला मोडलको गाडी तीन वर्ष चलाउन सब्सक्रिप्सन दिनेअर्को अफर दिएका हुन् । तर यसलाई पनि अस्वीकार गर्दै ज्याक स्वीनीले अकाउन्ट नहटाउने अडान कायम राखेका छन् ।
यसअघि वाल स्ट्रिट जर्नलसँग बोल्दै उनले भनेका हुन्, “मलाई आफ्नै गाडी चाहिएको छ । भाडामा लिन कुनै रुची छैन । त्यसैले मैलेवास्तविक टेस्ला पाएँ भने मात्र अकाउन्ट डिलिट गर्नेछु । ”
ज्याकको जेट–ट्र्याकिङ अकाउन्टले सार्वजानिक रुपमा उपलब्ध हवाइ उडान डाटा र बोट्स प्रयोग गरि विमानमाथि निगरानी गर्ने गर्दछ ।यसअघि मस्कले पाँच हजार डलरको प्रस्ताव गर्दा ज्याकले सो रकम अकाउन्ट चलाउँदाको मज्जालाई प्रतिस्थापन गर्न पर्याप्त नभएकोबताएका थिए ।
उनले मस्कसँगको व्यक्तिगत च्याटमा पाँच हजारको बदलामा पचास हजार डलर दिन पनि भनेका थिए । उनले सो रकम आफ्नोकलेजको पढाइ पूरा गर्न र टेस्लाको मोडल ३ गाडी खरिद गर्न खर्च गर्ने बताएका थिए । तर मस्कले यसपछि उनीसँग कुनै अन्र्तक्रियागरेका छैनन् ।
