जापान । जापानको यामानाशी लगायतका विभिन्न स्थानहरुमा अंगुर लगायतका फलफूलहरुको चोरीमा संलग्न रहेका विदेशीनागरिकहरु पक्राउ परेका छन् । प्रहरीले गुन्मा प्रिफेक्चरको इसेसाकी सहरको एउटा अपार्टमेन्टमा अवैधानिक रुपमा बसोबास गर्दैआएका भियतनामीहरुको समूहले त्यस्ता फलफूलहरु चोरी गर्ने गरेको अभियोग सहित पक्राउ गरेको हो ।
तत्काललाई प्रहरीले दुईजनालाई पक्राउ गरेको छ र फलफूल चोरीको घटनामा संलग्नताबारे थप अनुसन्धान गर्ने बताईएको छ ।यमनाशी प्रिफेक्चरमा,टिप्ने बेला भएका आरु तथा अंगूर जस्ता फलफूलहरु ठूलो मात्रामा चोरी भएको थियो । यस वर्षको वर्षको जुनमध्यदेखि हालसम्म जम्मा ३७ वटा चोरीता घटनाहरू घटेका छन् ।
जसबाट ७ करोड ५० लाख येन भन्दा बढीको क्षति भएको अनुमान गरिएको छ । फलफूल बगैँचाहरुमा श्रृंखलाबद्ध चोरी हुन थालेपछि, प्रहरीले घटनास्थल वरपर सुरक्षा क्यामेरा जडान गरेर अनुसन्धान अघि बढाएको थियो ।
सिसि टिभी फुटेज लगायतको विश्लेषणबाट भियतनामीहरुको संलग्नता देखिएकाले पक्राउ गरिएको जनाईएको छ ।
