धनगढी — ‘भू–स्वर्ग’ भनिने खप्तड क्षेत्रको विकास गर्नसके समग्र सुदूरपश्चिमकै आर्थिक विकासमा कोसेढुंगा सावित हुने कुरा उठाउनथालेको झण्डै आधा शताब्दी भयो ।
२०३२ सालतिर सार्वजनिक रुपमा खप्तडमा पर्यटन विकासको कुरा उठ्न थालेको हो । त्यसयता तत्कालीन राजा वीरेन्द्रसहितउच्चपदस्थ सरकारी अधिकारीहरुले वर्षेनी खप्तडको भ्रमण गरे । विकासका कुरा उहिल्यैदेखि भइरहेका छन् । तर यहाँको विकासअहिले पनि जहाँको त्यहीँ छ । पछिल्ला वर्षहरूमा त झन् के गर्ने, कसो गर्ने र कसले गर्ने भन्नेमा सम्बन्धित निकाय नै रनभुल्ल अवस्थामाछन् ।
जैवीक विविधताले भरिपूर्ण रहेको खप्तड क्षेत्र पर्यटकीय गन्तव्य मात्रै नभएर महत्वपूर्ण धार्मिक महत्व बोकेको स्थल पनि हो। आर्थिकसूचकहरुमा पछाडि रहेका बाजुरा, अछाम, बझाङ र डोटीको संगममा रहेको खप्तडलाई पर्यटन विकासको गन्तव्यका रुपमा विकास गर्नसकेको खण्डमा समग्र सुदूरपश्चिमको आर्थिक समृद्धि हुनेमा सरोकारवालाहरू सहमत छन् ।
