कोभिडयता कै सबैभन्दा बढी करिब एक लाख पर्यटक नेपाल भित्रिएका छन्। सन् २०२३ को मार्च महिनामा ९९ हजार ४२६ पर्यटक हवाइमार्गबाट आएको नेपाल पर्यटन बोर्डको तथ्यांक छ।
समीक्षा वर्षको ३ महिनामा २ लाख २७ हजार ७५५ पर्यटक नेपाल घुम्न आएका छन्। कोभिडअघि सन् २०१९ को मार्चको तुलनामा ७८प्रतिशतले पर्यटन आगमन सुधार भएको बोर्डले जनाएको छ।
सन् २०१९ को मार्चमा १ लाख २७ हजार ३५१ पर्यटक नेपाल आएका थिए। सन् २०२३ को मार्चमा ९० हजार ११४ पर्यटक बाहिरिएकाछन्।
मार्च महिनामा सबैभन्दा बढी भारतबाट पर्यटक नेपाल आएका छन्। समीक्षा महिनामा २४ हजार ९११ भारतीय नेपाल आएका हुन्।दोस्रोमा युनाइटेड स्टेटबाट ९ हजार ५५७, तेस्रो यूनाइटेड किंगबाट ६ हजार १३३, चौथो जर्मनी ४ हजार १४९ र पाचौं श्रीलंका ३ हजार८९८ पर्यटक नेपाल आएका छन्।
गत महिनामा ७ औं स्थानमा उक्लिएको चीन भने मार्चमा ९ औं स्थानमा ओर्लिएको छ। समीक्षा महिनामा २ हजार ६३५ चिनियाँ नेपालआएका छन्।
फेब्रुअरीमा २ हजार २२२ चिनियाँ नेपाल घुम्न आएका थियो। पर्यटक आगमनमा सुधार देखिए पनि नेपालको १० प्रमुख आगामन देशकोसूचीमा भने तल झरेको हो।
नेपाललाई पनि पर्यटक गन्तव्य मुलुकमा समावेश गरेपछि चिनियाँ पर्यटक बढ्ने अपेक्षा गरिएको थियो। कोभिड अघिसम्म चिनियाँपर्यटक भारतपछिको दोस्रो ठूलो बजार थियो।
क्षेत्रगत रूपमा कुल आगमन संख्याको सार्कबाट ३३.६ प्रतिशत युरोपबाट, २३.४ प्रतिशत, एसियाबाट १५.७ प्रतिशत, अमेरिकाबाट ११.३प्रतिशत, ओसिनियाबाट ९.४, मध्य एसियाबाट १.५ प्रतिशत र अन्यबाट १०.४ प्रतिशत पर्यटक नेपाल आएका छन्।
